Një Komb
Një Atdhe
Një Gjuhë
Një Flamur

NJOFTIM

Kaçanik 4 prill 2013
Njoftojmë bashkëluftëtarët dhe opinionin e gjerë, se me 2 prill 2013 është ndarë nga ne, në moshën 50 vjeqare, anëtari i Kryesisë Qendrore të OVL të UÇK-së dhe kryetari i degës së OVL të UÇK-së në Kaçanik, ish anëtar i Shtabit të ZO të Nerodimes z. Ejup Runjeva.
Mbledhja Komemorative dhe homazhet mbahen sot, duke filluar nga ora 15 në Shtëpinë e Kulturës në Kaçanik, ndërsa varrimi i të ndjerit do të bëhët ora 17 në Varrezat e Dëshmorëve dhe Veteranëve në fshatin Stagovë të Kaçanikut.




LIROHEN RAMUSH HARADINAJ, LAHI BRAHIMAJ DHE IDRIZ BALAJ

Prishtinë 29 nëntor 2012
Me rastin e kësaj fitoreje të madhe për UÇK-në, Organizatat e dalura nga Lufta e UÇK-së kanë uruar përmes këtij telegrami:
Organizatat e dalura nga Lufta e UÇK-së, urojnë të gjitha familjet e dëshmorëve, invalidët dhe veteranët e luftës, me rastin e lirimit të bashkëluftëtarëve Ramush Haradinaj, Lahi Brahimaj dhe Idriz Balaj.
Që nga fillimi i këtij procesi të montuar me dëshmi të farkuara në Beograd, me dëshmitarë të rrejshëm, është tentuar njollosja dhe demonizimi i luftës çlirimtare të UÇK-së. Ne asnjëherë nuk i kemi besuar këtij procesi dhe kemi konsideruar se këto tentime do të dështojnë.
Duke besuar thellësisht në pastërtinë e luftës dhe bartësve të saj, ne e kemi ditur se nuk ka forcë që do të mund të argumentojë fajësinë e atyre që morën pushkët për të çliruar Atëdheun dhe për të mbrojtur popullatën civile nga një shtet terrorist e gjenocidal.
Një urim i veçantë sot, është për familjet Haradinaj, Brahimaj e Balaj, të cilat edhepse kaluan në peripeti të ndryshme gjatë këtyre viteve të gjata të gjykimit e rigjykimit, qëndruan të fortë, asnjëherë nuk u lëkundën dhe gjithëherë ishin krenarë me bijtë e tyre dhe me luftën e UÇK-së. Ne urojmë edhe popullin e Kosovës dhe më gjerë, për përkrahjen e vazhduar që e bën për luftën dhe luftëtarët e UÇK-së, duke konsideruar se sot është ditë gëzimi për të gjithë.
Kemi shpresën që të gjitha orvatjet që po bëhen prej qarqeve të ndryshme kundër UÇK-së, do të ndërpriten, me faktin që çdo tentim i tyre ka dështuar.
Gjithashtu, OVL të UÇK-së, ka angazhuar Togun Ceremonial, në pritje të bashkëluftëtarëve Ramush Haradinaj, Lahi Brahimaj dhe Idriz Balaj.




PROTESTA NË MALISHEVË

Malishevë 27 nëntor 2012
Të marten me 27 nëntor 2012, në qendrën të Malishevës, nga ora 12 deri ora 13, u mbajt protesta e Organizatave të dalura nga Lufta e UÇK-së, si reagim ndaj arrestimit të bashkëluftëtarëve: Fatmir Limaj, Nexhmi Krasniqi, Naser Shala dhe Naser Krasniqi.
Në prani të qindra qytetarëve të tubuar, fjalën e rastit e mbajti Smajl Elezaj, nënkryetar i OVL të UÇK-së, i cili në mes të tjerash tha: Duke besuar thellë në luftën çlirimtare dhe në pafajësinë e shokëve, Organizata e Veteranëve të Luftës së Ushtrisë Çlirimtare të Kosovës, rifillimin e procesit kundër veteranëve të luftës, të quajtur "Rasti Kleçka", e sheh si vazhdimësi e gjyqeve të Millosheviqit. Mënyra se si u zhvillua i tërë ky proces, duke u shërbyer me dëshmitar të rrejshëm e të shantazhuar, që detyrohen të bëjnë vetëvrasje, tregon se metodat e gjyqësisë serbe, ende praktikohen në Kosovë. Mënyra si u arrestuan, ishte qyqare, tinëzare dhe e poshtër. Në këto ditë feste për mbarë kombin shqiptar, EULEX-i tregoi se është i përcaktuar qartë kundër vlerave më sublime dhe kundër kombit shqiptar në përgjithësi. .
Protestuesit u shpërndanë të qetë.




100 VJET SHTET
25-28 nëntor 2012

Me rastin e 100 vjetorit të shtetit shqiptar, Organizatat e dalura nga Lufta e UÇK-së me 25 nëntor 2012, kanë shënuar në Prekaz me një manifestim, këtë festë të madhe kombëtare. Gjithashtu, është kujtuar ditëlindja e Komandantit Legjendar Adem Jashari dhe shfaqja publike e UÇK-së.
Në Manifestim, kolona me 100 flamuj që mbaheshin nga veteranë të uniformuar dhe qytetarë me rroba tradicionale shqiptare, është nisur nga Skenderaji për të vendosur flamujt në Kompleksin Memorial në Prekaz. Para masës së tubuar, kanë folur përfaqësues nga të gjitha trojet shqiptare, duke dhënë mesazhe bashkimi dhe duke shpjeguar rëndësinë e bashkimit kombëtar.
Ndërsa me 27 dhe 28 nëntor, delegacioni i OVL të UÇK-së, me ftesë të shtetit shqiptar, ka marë pjesë në manifestimet që u mbajtën në Vlorë dhe Tiranë, sipas protokolit shtetëror.




Mbahet Asambleja e 27-të e Federatës Botërore të Veteranëve

Jordani 18-22 nëntor 2012
Në Detin e Vdekur - Jordani, u mbajt Asambleja e 27-të e Federatës Botërore të Veteranëve. Këtë vit Asambleja u mbajt nën patronatin e Kryeministrit të Mbretërisë Hashimite të Jordanisë. Federata Botërore e Veteranëve, e themeluar menjëherë pas Luftës së Dytë Botërore, përbëhet nga shumica e shteteve të Botës, ndërsa Kosova u pranua si anëtare e barabartë që nga Asambleja e 26-të që u mbajt në vitin 2009 në Kopenhagen - Danimarkë.
Delegacioni i Kosovës, që kryesohej nga z.Muharrem Xhemajli (nënkryetar i veteranëve evropianë si dhe kryetar i OVL të UÇK-së), ka marë pjesë në në seancat plenare si dhe në takimet e Komitetit për Çështje Evropiane.
Gjatë këtyre ditëve delegacioni ka marë pjesë në ceremoninë e vënies së luleve tek Monumenti i Luftëtarit të Panjohur, në pritje te Komandanti i Xhandarmërisë Jordaneze si dhe ka zhvilluar takime me përfaqësues të shteteve që ende nuk e kanë njohur Republikën e Kosovës, duke shikuar mundësitë e lobimit në ato shtete përmes organizatave të veteranëve.
Asambleja ka filluar punimet me 18 nëntor dhe pas miratimit të raporteve të punës, ka vazhduar me nxjerrjen e rezolutave për veteranët dhe trajtimin e tyre institucional, si dhe me rezolutat që bëjnë thirrje për paqe në botë dhe për ndërprerjen e konflikteve. Punimet e Asamblesë përfunduan me 22 nëntor.




REAGIM

Prishtinë 15 nëntor 2012
OVL të UÇK-së, reagon ashpër kundër arrestimit të luftëtarëve të UÇK-së: Rrustem Geci, Hetem Geci dhe Sabit T. Geci. Preteksi i arrestimit të tyre, gjoja se për krime lufte, është tregues i qartë, që EULEX-i ende nuk ka heq dorë nga "gjahu i shtrigave" kundër luftëtarëve të UÇK-së.
Edhepse ky mision gjithëherë ka dështuar në argumentimin e akuzave kundër luftës së pastër të UÇK-së, prapë po organizon këso arrestime spektakulare, për të tërhequr vëmendjen e opinionit nga dështimet që ka pasur ky mision, në realizimin e detyrave të veta siç është dështimi i tyre në arrestimin e kriminelëve serb që veprojnë lirshëm në veriun e Kosovës.
Rrustemi, Hetemi e Sabiti, kanë qenë ushtar të hershëm dhe të zellshëm të Ushtrisë Çlirimtare të Kosovës, kanë kryer detyrën e tyre në çlirimin e Atdheut, me angazhim, përkushtim e sakrificë të madhe. Arrestimi i tyre, ka shqetësuar rëndë të gjithë luftëtarët e UÇK-së.
OVL të UÇK-së, kërkon lirimin e menjëhershëm të tyre, dhe çdo vonesë në lirimin e tyre, do e shtojë zemërimin e bashkluftëtarëve. Apelojmë që EULEX të lej të qetë luftëtarët, të kryej punët e veta, ose të largohet përfundimisht nga Kosova. Prishtinë 15 nëntor 2012
Kryesia e OVL të UÇK-së Kryetari Muharrem Xhemajli




FILLON PLOTËSIMI I APLIKACIONEVE PËR STATUSIN E VETERANIT

Prishtinë 15 nëntor 2012
Që nga 15 nëntori, ka filluar plotësimi i aplikacioneve për Statusin e Dëshmorit të Kombit, Invalidit, Veteranit, Pjesëtarit të luftës së Ushtrisë Çlirimtare të Kosovës. Përgaditjet për këtë proces kanë filluar që nga shtatori, ndërsa fillimi i këtij procesi shumë të rëndësishëm, u shpall me 14 nëntor, nga kryetari i Komisionit Qeveritar për njohjen dhe verifikimin e statusit të veteranëve, invalidëve, pjesëtarëve dhe të internuarve të UÇK-së, z.Agim Çeku.
"Janë shtypur dhe janë shpërndarë formularët për të gjitha kategoritë në të gjitha zyret e këtyre shoqatave të këtyre kategorive, në të gjitha komunat e Kosovës. Kështu që, që nga nesër, veteranët, familjet e dëshmorëve, invalidët, i ftoj që të drejtohen drejt zyrave të shoqatave të tyre nëpër komuna, t'i marrin aplikacionit, t'i plotësojnë ato, dhe t'i dorëzojnë aty ku i kanë tërhequr" tha z. Çeku.
Kryetari i Komisionit, Agim Çeku shpjegoi se të gjithë veteranët duhet që në komunën ku jetojnë dhe aty të aplikojnë, dhe të shkruajnë ku kanë shërbyer, vendin, skuadrën, togun, batalionin dhe brigadën. Seleksionimi nga ana e Sekretarisë së Komisionit do të bëhet në bazë të brigadave dhe njësive ku kanë shërbyer ata.
"Veteranët duhet të dinë se nuk kanë nevojë që të vrapojnë pas komandantëve, të kërkojnë nënshkrimin e tyre. Mjafton që në formular të cekin njësinë ku kanë qenë, zonën operative ku kanë vepruar, dhe pastaj vetë komandantët do të ftohen që të vërtetojnë atë që aplikantët e prezantojnë" ka shpjeguar z. Çeku.
Në anën tjetër, OVL të UÇK-së, SHIL të UÇK-së dhe SHFD të UÇK-së, kanë mobilizuar të gjitha zyret e tyre në Kosovë, në të gjitha komunat. Në Tiranë, përfaqësuesi i OVL të UÇK-së Sokol Poga, është autorizuar të udhëheq këtë proces për territorin e Shqipërisë. Ndërsa për veteranët që jetojnë jashtë Kosovës dhe Shqipërisë, aplikacionet mund t'i shkarkojnë në Internet në adresën: www.komveterani.net .
Të parët që kanë plotësuar aplikacionet, në selinë qendrore të OVL të UÇK-së, ishin drejtori politik i SHP të UÇK-së, Hashim Thaçi (kryeministër i Republikës së Kosovës) dhe Gjeneral Agim Çeku, shef i SHP të UÇK-së (ministër i FSK-së).




KOMUNIKATË

Prishtinë 30 tetor 2012
OVL të UÇK-së, përshëndet vendimin e Prokurorisë së EULEX-it, për ndërprerjen e hetimeve ndaj ish komandantit të përgjithshëm të UÇK-së, z.Azem Syla. Që nga fillimi i këtij procesi, OVL të UÇK-së ka qenë e bindur se është fjala vetëm për një tentim të njollosjes së njërës nga figurat emblematike të UÇK-së.
Ne asnjëherë nuk i kemi besuar shpifjeve dhe insinuatave të individëve dhe grupeve të caktuara kundër krerëve dhe luftëtarëve të Ushtrisë Çlirimtare të Kosovës.
Orvatjet e të gjithë atyre që tentojnë të njollosin luftën çlirimtare dhe bartësit e saj, do të dështojnë.
Prishtinë 30 tetor 2012 Kryetari Muharrem Xhemajli




Mirënjohje për Rektorin Mujë Rugova

Prishtinë 1 tetor 2012
Organizatat e dalura nga Lufta e UÇK-se, i kane dhuruar mirenjohje rektorit ne largim te UP-se MUJË RUGOVA, per kontributin e tij ne shkollimin e familjeve te Deshmoreve, Invalideve, Veteraneve dhe femijeve te tyre.
Gjithashtu i kane uruar suksese ne detyre, rektorit te ri te "Universitetit Hasan Prishtina", z.Ibrahim Gashi




Përfundon projekti i rehabilitimit në qendrat termale

Prishtinë 30 shtator 2012
Në periudhën Prill - Shtator 2012, Organizata e Veteranëve të Luftës së UÇK-së, e mbështetur nga Ministria e Punës dhe Mirëqenies Sociale, ka dërguar 150 veteranë në qendrat rehabilituese-termale: Banjë të Pejës 50 veteranë dhe Banjë e Kllokotit 100 veteranë.




Marrëveshja me "International Medicine Hospital"

Prishtinë 27 shtator 2012
Organizata e Veteranëve të Luftës së UÇK-së, Shoqata e Familjeve të Dëshmorëve të UÇK-së, Shoqata e Invalidëve të Luftës së UÇK-së kanë nënshkruar marrëveshje bashkëpunimit me spitalin turk të zemrës "International Medicine Hospital", në të cilin, sipas kësaj marrëveshjeje, veteranët, invalidët dhe familjet e dëshmorëve do të gëzojnë lirim të shërbimeve deri në 20 për qind.
Kjo marëveshje do të mundësojë kryerjen e shërbimeve që deri tani janë kryer jashtë Kosovës, me çmime shumë më të lira.




Përfundon projekti i pushimeve verore 2012

Prishtinë 31 gusht 2012
Organizata e Veteranëve të Luftës së UÇK-së, e mbështetur nga Qeveria e Kosovës, nga 10 korriku 2012 e deri më 31 gusht 2012, ka dërguar në pushime verore rreth 1050 veteranë të luftës nga të gjitha komunat e Kosovës, si dhe nga Kosova Lindore dhe Republika e Shqipërisë.
Veteranët qëndruan në Mal të Robit - Komuna Golem, secili në kohëzgjatje prej 11 ditësh dhe patën rastin të shijojnë bregdetin shqiptar. Ata u vizituan nga një numër personalitetesh nga jeta shoqërore e politike.




NJOFTIM

Prishtinë 2 korrik 2012
Kryesia e OVL të UÇK-së, njofton opinionin e gjerë, se me datën 29 qershor 2012, Prokurori i EULEX-it Pascal Persoons, ka hequr dorë nga aktakuza e ngitur nga Prokuroria Publike Komunale në Prishtinë, kundër Muharrem Xhemajlit. Me këtë rast, Gjykata Komunale në Gllogoc ka lëshuar edhe aktvendimin në të cilin hudhet poshtë aktakuza kundër Muharrem Xhemajlit, i cili akuzohej për veprën penale ?mashtrim në votime në kundërshtim me nenin 180 të KPK-së?.
OVL të UÇK-së, me shqetësim kishte përcjellur tendencën për denigrimin e personalitetit të kryetarit të veteranëve, bazuar në akuza absurde e të palogjikshme dhe nuk kishte reaguar deri në fund të hetimeve, në mënyrë që organet e drejtësisë të kryejnë punën e tyre. Të bindur se z.Xhemajli ka qenë plotësisht i pafajshëm dhe se kemi të bëjmë me shpifje dhe tendenca të ulëta, ne kemi pritur në qetësi të plotë përfundimin e këtij procesi.
Si çdo herë, ashtu dhe në këtë rast, tentimi për njollosjen e luftëtarëve të UÇK-së doli i dështuar. Ne sinqerisht shpresojmë, që ky rast do të vetëdijesojë të gjithë ata që shkruan e komentuan rreth akuzave ndaj z.Xhemajlit, të jenë më objektivë dhe të mos nxjerrin konkluzione të gabuara e të parakohshme. Kryetari Muharrem Xhemajli, është duke shqyrtuar mundësinë, që për disa nga individët që morën pjesë në këtë tentim-denigrimi të inicojë padi private për shpifje dhe fyerje.




Komunikatë

Prishtinë 7 maj 2012
Organizata e Veteranëve të Luftës së UÇK-së, është duke e përcjellur me vëmendje situatën në trojet shqiptare të okupuara nga Serbia dhe Maqedonia. Ne jemi të shqetësuar për dhunën e presionin e vazhdueshëm të pushtuesve të orientuar kundër popullatës shqiptare, me qëllim të vështirësimit të jetës së tyre dhe detyrimit që ata të shpërngulen nga trojet e veta.
OVL të UÇK-së, kërkon që të gjithë faktorët politik shqiptarë si dhe ata ndërkombëtar, të merren seriozisht me këtë çështje dhe duhet ta kenë të qartë se shqiptarët nuk do të tolerojnë më spastrime të reja të trojeve etnike. Veteranët e UÇK-së, do të jenë pranë vëllezërve në Maqedoni e Kosovë Lindore dhe në rast mobilizimi, ne do të jemi në përkrahje të tyre me të gjitha mjetet e mundshme.









Komunikatë

Prishtinë 2 maj 2012
OVL, SHFD dhe SHIL të UÇK-së, mirëpresin lirimin nga të gjitha akuzat, të bashkëluftëtarëve tonë të akuzuar në rastin ?Kleçka?. I porositur nga Beogradi, si pjesë e agjendës serbo-ruse kundër UÇK-së, ky proces i montuar politik, dështoi duke lënë pas një hije të keqe për EULEX-in, tani më të degraduar.
Serbia, si humbëse e luftës dhe si zbatuese e gjenocidit ndaj popullit të Kosovës, me inicimin e këtij rasti, ka treguar se sa është e mjerë dhe e dëshpëruar. Në tentimin për goditjen e elitës së UÇK-së në ZO të Pashtrikut, Prokuroria e EULEX-it me siguri se e ka të qartë, që gjahu i shtrigave mbi luftëtarët e lirisë, është i destinuar të dështojë.
UÇK, me luftën e saj, sakrificën dhe heroizmin, kundrejt ushtrisë me të egër të Ballkanit, do të mbetet në historinë botërore si shembull i pastërtisë, suksesit dhe fitores. E ata që vuan në shënjestër luftëtarët e UÇK-së, do të dështojnë, do të poshtërohen dhe do të dënohen nga historia.




Kryetari Xhemajli pret delegacionin e DSK-së

Prishtinë 25 prill 2012
Delegacioni i Partise Demokracia Sociale e Kosoves, i perbere nga Kryetari Begzad Gashi dhe nenkryetari Naim Sopaj, kane vizituar Seline Qendrore te OVL te UÇK-se.
Delegacioni i DSK-se ka zhvilluar takim me Kryetarin Muharrem Xhemajli dhe Sekretarin Faton Klinaku.
Takimi kishte karakter informues, rreth programit te DSK-se dhe aktiviteteve qe po zhvillon koheve te fundit kjo parti. Gjithashtu, u diskutua edhe per zhvillimet politike ne vend.
z.Begzad Gashi, u informua nga z.Xhemajli rreth gjendjes se veteraneve te luftes dhe aktiviteteve te OVL te UÇK-se.




LETËR E HAPUR drejtuar organeve përgjegjëse për sigurinë në Kosovë

Prishtinë 11 prill 2012
Kaluan më shumë se 12 vite që nga largimi i forcave okupuese e ne ende kemi një situatë okupimi në veri të Kosovës. Stukturat e Serbisë, në asnjë moment nuk pushuan së vepruari. UNMIK dhe KFOR, ishin në dijeni të plotë të situatës dhe me mosveprimet e tyre, lejuan funksionimin normal të këtyre sturukturave, të cilat vazhduan traditën kriminale dhe gjenocidale të Millosheviqit. Në kohën kur Kosova kontrollohej ashpër nga UNMIK-u dhe KFOR-i dhe kur nuk kishte asnjë organ ekzekutiv vendor, natën në mes 3 dhe 4 shkurtit 2000, mbi 1500 familje shqiptare me rreth 12 mijë banor u deportuan me dhunë nga shtëpitë e tyre në veri të Kosovës, me ç’rast u vranë 10 persona dhe u plagosën shumë të tjerë. Që nga ajo kohë, organet përgjegjëse të sigurisë ndërkombëtare dhe vendore, kanë dështuar të sigurojnë popullatën shqiptare në atë pjesë, e dëbimet vazhduan dhe po vazhdojnë edhe më tutje me metoda nga më të ndryshmet, tanimë edhe në sytë e EULEX-it, i cili në vend se të kryejë detyrën e vet, vetëm se po e pengon shtetin e ri të Kosovës, që të marë masat e duhura për të siguruar jetët e qytetarëve.
Përderisa faktori shqiptar ka qenë i heshtur dhe i durueshëm, duke besuar në organet përgjegjëse të sigurisë, tani pas ngjarjeve të fundit, që argumentuan dështimin total të këtyre organeve, ne kërkojmë aktivitet e presion të shtuar nga Qeveria e Kosovës, unitet të të gjitha forcave politike shqiptare rreth situatës së krijuar.
Organeve të sigurisë iu apelojmë që urgjentisht:
- Të mirren masat për kthimin e menjëhershëm të banorëve shqiptar në pronat e veta
- Të shuhen strukturat e Serbisë dhe të arrestohen pjesëtarët e tyre
Këto masa janë parakusht i ruajtjes së sigurisë në Kosovë dhe do krijojnë kushtet për jetë të lirë e të qetë, për organizimin e pushtetit lokal legjitim dhe për mirëqenien ekonomiko-sociale të banorëve në atë pjesë.
Nëse KFOR-i, EULEX-i dhe Qeveria e Kosovës, do të rrijnë edhe më tutje duarkryq, Organizatat e dalura nga Lufta e UÇK-së, do të jenë në ballë të organizimit popullor. Përgjegjës të kësaj situate do të jenë vet organet e sigurisë, që me mosveprimin e tyre shkaktuan tërë këtë situatë.




Reagim

Prishtinë 6 prill 2012
Lidhur me disa deklarata të individëve të ndryshëm kundër luftës çlirimtare, të dhëna kohën e fundit nëpër disa media vendore, lëshojmë këtë:
REAGIM
Ushtria Çlirimtare e Kosovës, ka qenë ushtri e organizuar për të bërë luftë çlirimtare, kundër pushtuesit 86 vjeqar jugosllav. UÇK ka pasur Shtabin e Përgjithshëm, 7 zona operative, brigadat, batalionet, kompanitë, togjet dhe skuadrat.
Në misionin e saj fisnik, Ushtria Çlirimtare e Kosovës, kishte përkrahje të gjerë popullore dhe më pas, edhe përkrahjen nga fuqitë liridashëse ndërkombëtare. UÇK u njoh zyrtarisht nga NATO-ja dhe ishte palë e barabartë në konferencën e Rambujesë.
UÇK me luftën e saj të pastër, fitoi simpatinë e të gjithë liridashësve edhe në shtetet që ishin kundër kombit shqiptar dhe mbanin anën e Jugosllavisë. Nëse UÇK, nuk e paska fituar simpatinë e disa sejmenëve të UDB-së, që gargarisin kundër luftës në televizionet vendore, ne nuk brengosemi fare.
Gjatë luftës çlirimtare, në terren ishin dy palë luftuese: Republika Federale e Jugosllavisë dhe Ushtria Çlirimtare e Kosovës. Ata që nuk u përfshinë në luftime, normalisht përkrahën njërin nga këto formacione, në mënyra të ndryshme. Për fatin e mirë të kombit shqiptar në përgjithësi, luftën e fitoi UÇK-ja, falë vullnetit të bijëve më të mirë e më të zgjedhur të kombit, falë organizimit shumë të mirë në terren si dhe falë mbështetjes së shtetit amë dhe shteteve të tjera euro-atlantike.
Nuk është faji jonë që UDB, e sidomos personeli shqipfolës i saj, nuk e realizuan misionin e tyre e që ishte shpartallimi i organizimit çlirimtar qysh në fillet e tij. Edhe pse vranë e burgosën një pjesë të mirë të luftëtarëve të celulave të para dhe arrestuan disa të tjerë, UDB ishte e pazonja që të shuaj vullnetin e popullit shqiptar për liri e bashkim kombëtar. Hidhërimi që e shfaqin përmes mediave me shpifje, sajime, gënjeshtra, imagjinata, nuk e kthen më pushtimin, as nuk e dëmton pavarësinë e as nuk kthehet më Serbia e tyre që e dojnë aq shumë, e që i mbetën besnik edhe pas shumë vitesh.
Organizata e Veteranëve të Luftës së UÇK-së, si anëtare e barabartë e Konfederatës Evropiane të Veteranëve të Luftës dhe Federatës Botërore të Veteranëve, strukturë e themeluar dhe udhëhequr nga luftëtarët e UÇK-së, bën thirrje që në emër të UÇK-së, të mos flasin ata që luftën e kanë parë vetëm në televizion sepse, ka kush flet për fitoren dhe lavdinë e Ushtrisë Çlirimtare të Kosovës.




KOMUNIKATË

Prishtinë 21 mars 2012
OVL, SHFD dhe SHIL të UÇK-së, mirëpresin ndërprerjen e paraburgimit për bashkëlufëtarët e akuzuar në rastin “Kleçka”. Vazhdimisht në reagimet tona, kemi potencuar se bëhet fjalë për proces të montuar politik dhe të porositur nga Beogradi.
Lufta e UÇK-së ka qenë luftë çlirimtare dhe tentimi i njollosjes së saj është i destinuar të dështojë. Goditja e elitës së UÇK-së në ZO të Pashtrikut, përmes këtij procesi të montuar, tregon se sa e mjerë dhe sa e dëshpëruar është Serbia, si humbëse e luftës dhe si zbatuese e gjenocidit ndaj popullit të Kosovës.
Prokuroria e EULEX-it, me siguri e ka të qartë se tentimi për njollosjen e UÇK-së është i pasuksesshëm dhe se gjahu i shtrigave mbi luftëtarët e lirisë, duhet të përfundojë njëherë e përgjithmonë. Ne besojmë se së shpejti do të ketë një aktgjykim lirues për bashkëluftëtarët.
Në fund iu bëjmë të qartë të gjithë atyre që kanë në shënjestër luftëtarët dhe luftën e pastër të UÇK-së, se do të dështojnë, do të poshtërohen dhe do të dënohen nga historia.




Programi i Epopesë së UÇK-së

5 - 7 mars 2012
5 Mars - ora 11 Kazerma Adem Jashari, ceremoni ushtarake e FSK-se, e percjellur me parakalim te trupave te FSK-se dhe programi kulturor artistik. (Fjala pershendetese e Komandantit te FSK-se, Kryeministrit te Kosoves dhe Perfaqesuesit te Familjes Jashari)
6 Mars - ora 10 deri 12 homazhet ne Kompleksin Memorial Adem Jashari ne Prekaz, si dhe ne te gjitha komplekset memoriale te UÇK-se ne Kosove ora 18, Akademia Perkujtimore ne Sallen e Kuqe te Pallatit te Rinise Prishtine (Fjalimi i kryetarit te Parlamentit dhe nje perfaqesuesi te jetes akademike)
7 Mars - Nata e Zjarreve, fillon pas ndezjes se zjarrit ne ora 18, e vazhdon me program kulturor artistik (fjala pershendetese e kryetarit te Organizates se Veteraneve te Luftes se UÇK-se Muharrem Xhemajli)
(((ne Pallatin e Rinise dhe Sporteve ne Prishtine, nga 2 deri me 5 mars, mbahet turneu nderkombetar ne Futsall)




REAGIM (me rastin e vazhdimit te gjykimit, rasti Kleçka)

Prishtinë 6 shkurt 2012
Vazhdimi i gjykimit të bashkëluftëtarëve tonë të Brigadës 121 Kumanova, argumenton prapë se EULEX-i në bashkëpunim me Serbinë, po vazhdon lojërat politike kundër vlerave të luftës sonë çlirimtare, duke tentuar të dëmtojnë kombin shqiptar, të ardhmen dhe pozicionin e tij në mesin e kombeve të tjera. Lufta e ashpër politike kundër vlerave më të larta të popullit tonë, tenton mohimin e sakrificës së mijëra dëshmorëve e luftëtarëve të lirisë.
Në procesin “Kleçka”, të cilin jemi duke e përcjellur me shqetësim të madh, shohim se si është degraduar “drejtësia ndërkombëtare”, pasiqë në bankat e të akuzuarve gjindet luftëtarët që me kontributin e tyre e ndaluan masakrën në 85.000 civilë në Malet e Berishës. Mbase ky kontribut i tyre, ka motivuar Serbinë që të inicoj në EULEX, process të montuar politik pikërisht kundër këtyre luftëtarëve të lirisë.
Ne kemi argumentuar vazhdimisht se EULEX është i padobishëm dhe i panevojshëm të qëndrojë në Kosovë, sepse asnjëherë nuk arriti të kryej detyra për të cilat ka ardhur, dhe asnjëherë nuk arriti të jetë mission i paanshëm.
Ne besojmë në pafajësinë e luftëtarëve të UÇK-së dhe konsiderojmë se shfaqja e “dëshmitarëve anonim”, bëhet vetëm për përfitime të tyre materiale dhe për interesa të Serbisë. Të jenë të bindur se secili që tenton të bëhet pjesë e këtyre lojërave kundër UÇK-së, përveç se nuk do të realizojë qëllimin e përfitimit material, prapa do të lë vetëm turpin për familjen dhe pasardhësit. Andaj, ne bëjmë thirrje që të heqin dorë nga shpifjet dhe intrigat kundër luftëtarëve të lirisë.




FALENDERIM për QMFR "Nëna Naile"

Prishtinë 11 janar 2012
Kryesia e OVL të UÇK-së, falenderon Qendrën për Mjekësi Fizikale dhe Rehabilitim “Nëna Naile” Kllokot dhe pronarin Dardan Novosella, për mbështetjen e vazhdueshme për fëmijët e veteranëve të luftës, që janë në vijim të studimeve.
Edhe këtë vit, QMFR “Nëna Naile” ka ndarë 40 bursa për fëmijë të veteranëve, donacion ky që është bërë traditë e kësaj qendre.
OVL të UÇK-së, fton për bashkëpunim edhe kompanitë e tjera, që dëshirojnë ta ndjekin shembullin e mirë të z.Dardan Novosellës, në ndihmë të kategorive që kontribuan më së shumti për Kosovën.